قصيدة ياخدني الشوق
بقلم ،،علي صابر
آه من الدنيا والأيام
وليالي جميلة ومحاليها
ياخدني الشوق والهيام
وأوقات في بالي مش معديها
لِلمّة أصحاب محبة وسلام
والجيران دايماً لبعضيها
سهرة مليانة دفا وكلام
وناس الخير ماليها
أم تسهر عشان ابنها ينام
وأب داير في حواريها
الشقة في وشه لو مليون رسام
ما يعرفش يرسم معانيها
وعن الطفولة والأحلام
وأول هدية في قلبي مخبيها
وعن الصحبة إلزام
أي خناقة ندخل فيها
ده أنا مش هيكفيني كلام
في وصف الذكريات ومعانيها
والله كانت أيام
أتمنى ترجع لياليها
